Олейник Николай Львович «Аршалы жас техниктер станциясы» МКҚК қосымша білім беру педагогы

Олейник Николай Львович 34 жыл бойы Аршалы ауданының жас техниктер станциясында қосымша білім беру педагогы болып қызмет етуде.

Николай Львович  балалардың техникалық шығармашылығын дамытуға өз жұмысында ерекше көңіл бөледі. Жарыстарды ұйымдастыру мен өткізуге, техникалық шығармашылық көрмелеріне қатысады.Сондай-ақ техникалық үлгілеу мен спорттың техникалық түрлерін белсенді насихаттайды, заманауи педагогика мен әдістемедегі жаңалықтарды қадағалайды, жаңа технологияларды сынақтан өткізеді.

Николай Львовичтің үйірмелері жаңашылдығымен ерекшеленеді, ол өз жұмысында инновациялық технологияларды пайдаланады. Оның тәрбиеленушілері республикалық, облыстық және аудандық жарыстарда кеме үлгілері бойынша жарыстарда үнемі жүлделі орындарға ие болады.

Николай Львович командасы авиа-, авто-, судо - ракеталар моделизм және робототехника бойынша республикалық конкурста 3 командалық орынға ие болды, 2015 жылы Астана қаласында оқушылар арасында кеме үлгілері спорты бойынша республикалық чемпионатқа қатысып, құрметті 2 орынға, 2017 жылы Қарағанды қаласында 3 орынға, 2018 жылы Астана қаласында 3 орынға ие болды; «Ұлы өнертабысқа алғашқы қадам» атты Республикалық техникалық шығармашылық көрмесінде 2 орынға ие болды.

Педагогтің өскелең ұрпақты оқыту мен тәрбиелеудегі еңбегі лайықты бағаланды. Николай Львович Қазақстан Республикасы Білім және ғылым  министрлігінің, Ақмола облысы білім басқармасының, Республикалық қосымша білім беру оқу-әдістемелік орталығының грамоталарымен, дипломдарымен және алғыс хаттарымен марапатталды.

Оның көптеген тәрбиеленушілері өз өмірін техникамен және авиациямен байланыстырып, техникалық бағыттар бойынша жұмыстарын атқарып келеді.  Николай Львович тәрбиеленушілері мен әріптестері арасында беделі зор, аудан тұрғындардың ортасында абыройлы, сыйлы адамдарының бірі.