«CPFED Uzdik IT Ustaz» Негізгі ағымының І кезеңінің республикалық турнирінің қорытындысы

2024 жылдың 20 желтоқсанында Ақмола облысының жалпы орта білім беретін информатика пәні мұғалімдеріне арналған "CPFED Uzdik IT Ustaz" Негізгі кезеңінің І ағымының республикалық турнирі өтті. Негізгі кезең бір мезгілде Қазақстанның 11 өңірінде: Абай, Жамбыл, Қызылорда, Қарағанды, Қостанай, Ақмола, Алматы, Павлодар, Жетісу облыстарында, сондай-ақ Астана, Алматы және Шымкент қалаларында өткізілді.
Бұл турнир қазіргі заманға сай IT білім мен цифрлық сауаттылықты дәріптеуге, мектеп деңгейінен компьютерлік бағдарламалауды үйрететін, пәндік олимпиадалық есептерді шығару мен алгоритмдік бағдарлама құруға арналған үздік ұстаздарды анықтайтын жарыс түрі.
Республикалық турнирдің мақсаты: олимпиадалық тапсырмалардағы информатика пәні мұғалімдерінің білімін тереңдету және жаңа цифрлық контентті игеру, шығармашылық қабілеттерін дамыту, мұғалімдердің кәсіби бағдар беру мәселесіне қызығушылығын арттыру.
Іс-шараны «Спорттық бағдарламалау федерациясы» Республикалық қоғамдық бірлестігі Ақмола облысының білім басқармасы бірлесіп ұйымдастырды.
Ақмола облысынан І ағымының негізгі кезеңіне екі іріктеу кезеңінің қорытындысы бойынша 11 информатика мұғалімі қатысты. Екі сағаттық контест барысында мұғалімдер esep.cpfed.kz онлайн-платформа арқылы 5 тапсырманы орындады . Соңында Негізгі кезеңнің І ағымының нәтижелері автоматты түрде анықталды.
Қатысушыларды Ақмола облысы басқармасының әдістемелік орталығының басшысы Ләззат Сураганқызы Құрманғалиева құттықтап, бұл бастаманы іске асыру Информатика мұғалімдерін ІТ-технологияларды дамытуға және оқушылардың олимпиадалардағы нәтижелерін жақсартуға ынталандыратынын атап өтті.
«CPFED Uzdik IT Ustaz» турнирінің қорытындысы бойынша келесі нәтижелер анықталды:
І дәрежелі Диплом -Демесинов Сағындық Қонаевич, «Ақмола облысы білім басқармасының Көкшетау қаласы бойынша білім бөлімінің Көкшетау қаласы Әл-Фараби атындағы IT лицейі» КММ информатика пәні мұғалімі;
ІІ дәрежелі Диплом - Бейсембаев Арман Сағидоллаұлы, информатика пәні мұғалімі, «Ақмола облысы Білім басқармасының Бурабай ауданы бойынша білім бөлімінің Щучинск қаласының № 6 жалпы білім беретін мектебі» КММ;
ІІІ дәрежелі Диплом - Уаисов Дархан Рыспайұлы, "Ақмола облысы білім басқармасының Көкшетау қаласы бойынша білім бөлімінің Көкшетау қаласының № 19 жалпы білім беретін мектебі» КММ информатика пәні мұғалімі.
Жеңімпаздарға естелікке бағалы сыйлықтар мен қатысушыларға сертификаттар берілді.