Мектепке дейінгі білім беру ұйымы мен отбасының серіктестігі: бала тәрбиесіндегі жаңа бағыттар мен тиімді тәжірибелер

Ақмола облысы білім басқармасының Әдістемелік орталығының жұмыс жоспарына сай Көкшетау қаласының «Арман»  бөбекжайында «Мектепке дейінгі білім беру ұйымы мен отбасының серіктестігі: бала тәрбиесіндегі жаңа бағыттар мен тиімді тәжірибелер» облыстық  семинар–практикум  өтті.    
         Семинар-практикум барысында келесі педагогтар тәжірибе алмасып,  шебер–сыныптар көрсетті: А.А.Нугуманова, А.К. Шарапиева,  А.Т.Мадиева, Б.Х.Галимова, Г.Е.Байзакова, А.К.Ахметова, С.Т.Молдахметова, А.О.Жумажанова. Педагогтардың «Әже өнегесі-ұрпаққа мұра» әжелер мектебі;  «Ана тәрбие бастауы» аналар мектебі;  «Әкенің өнегесі-баланың болашағы» әкелер мектебі;  «Бөбекжай бақытты балалар әлемі» этнопедагогикалық жобасы; жасанды интеллект қолдану арқылы ұйымдастырылған «Жеті қазына»  интеллектуалдық ойыны;  «Ұлттық киім-ұлттың рухани айнасы» шебер-сыныптары қызықты да, мазмұнды болды.  
        Семинар барысында қатысушыларға бала тәрбиесіне қатысты өзекті мәселелер түсіндіріліп, ұлттық құндылықтар негізінде тәрбие беру жолдары талқыланды. Сонымен қатар, педагогтар және ата-аналар өзара тәжірибе алмасып, пікірлерімен бөлісті.