«Ыбырай Алтынсариннің ізбасар шәкірттері» жас педагогтармен кездесу өткізу туралы сайтқа ақпарат

2021 жылғы 24 қыркүйек күні Ыбырай Алтынсариннің 180 жылдығына арналған онкүндік аясында және Ұстаздар күні қарсаңында Ыбырай Алтынсариннің шығармашылығын насихаттау, жастарды қазақ жеріне деген патриоттық және құрмет сезімін тәрбиелеу мақсатында «Ыбырай Алтынсариннің ізбасар шәкірттері» атты жас педагогтермен және тәлімгер ұстаздармен шығармашылық кездесу ұйымдастырылды. Кездесу барысында Ақмола облысының білім беру ұйымдарының 90-нан астам жас педагогтері, тәлімгер ұстаздар қатысты.

Ақмола облысы білім басқармасының «Облыстық оқу-әдістемелік кабинеті» КММ-нің директоры Л.С. Курмангалиева құттықтау сөз сөйледі.

Ләззат Сұрағанқызы өз сөзінде жас педагогтың қалыптасуындағы тәлімгердің рөлін, Ыбырай Алтынсариннің қазіргі білім беру мен жас ұрпақты тәрбиелеудегі педагогикалық идеяларының өзектілігін атап өтті.

Жас әріптестермен және тәжірибелі тәлімгер ұстаздармен кездесуде педагогикалық мамандықты таңдау, педагогтің кәсіби қасиеттері туралы мәселелер талқыланып, қатысушыларға сөз берілді.

Кездесу соңында мұндай іс-шаралар әріптестердің шығармашылығымен танысу, одан әрі ынтымақтастық кезінде тәжірибе алмасу, бірлескен іс-шаралар өткізу үшін қажет екендігі атап өтілді.