«ДАРЫНДЫ БАЛАЛАРҒА – ТАЛАНТТЫ ҰСТАЗ» РЕСПУБЛИКАЛЫҚ ПЕДАГОГИКАЛЫҚ ОЛИМПИАДАСЫНЫҢ ҚОРЫТЫНДЫСЫ ТУРАЛЫ

2021 жылғы 3-4 қараша күндері ҚР Білім және ғылым министрлігі «Дарын» республикалық ғылыми-практикалық орталығымен бірлесе отырып, Өскемен қаласындағы № 46 орта мектеп базасында «Дарынды балаларға – талантты ұстаз» республикалық педагогикалық олимпиадасының қорытынды кезеңін өткізді.

Іс-шараның негізгі мақсаты  – жас педагог қызметкерлердің шығармашылық әлеуетін және өзін-өзі дамыту үшін жағдай жасау.

Педагогикалық олимпиадаға Қазақстанның барлық өңірлерінен 95-тен астам мұғалім қатысты. Ақмола облысының атынан облыстық кезеңнің 5 жас педагог жеңімпазы қатысты.

Олимпиада қорытындысы бойынша Атбасар қаласы, «№ 5 жалпы орта білім беретін мектеп» КММ география пәнінің мұғалімі Бахтияр Уразымбетович Матчанов ҚР Білім және ғылым министрлігінің 2 дәрежелі дипломымен марапатталды.

«Дарын» республикалық ғылыми-практикалық орталығының грамоталарымен үш педагог марапатталды:

• Еламан Кенжебаевич Кенжебаев, Көкшетау қаласы, «Әл-Фараби атындағы IT лицей» КММ тарих пәнінің мұғалімі;
• Аслан Айтжанович Манатов, Жарқайың ауданының «Державинск қаласының Н. Крупская атындағы жалпы орта білім беретін мектебі» КММ педагог - психологы;
• Менсулу Базарбековна Нуржанова, Жақсы ауданы «Жақсы ауылының №2 жалпы орта білім беретін мектебі» КММ тәлімгері.

Олимпиаданың барлық қатысушыларына «Дарынды балаларға – талантты ұстаз» республикалық педагогикалық олимпиадасына қатысқаны туралы сертификаттар берілді.

Жеңімпаздарды құттықтаймыз және шығармашылық жетістіктер тілейміз!