«Ресурстық орталық: тәжірибесі мен нәтижесі» облыстық аймақтық семинар

 2019 жылғы 25 ақпан күні Қорғалжын ауданы А.Төлебаев атындағы орта мектептің ресурстық орталық базасында «Ресурстық орталық: тәжірибесі мен  нәтижесі» облыстық аймақтық семинар болып өтті. Семинарға Ақмола облысы білім басқармасының оқу-әдістемелік кабинетінің директоры     Ж.Д.Баймакова, Қорғалжын аудандық білім бөлімі басшысының м.а. С.Т.Омарова, шағын жинақты мектептердің жұмысына жетекшілік ететін облыстық, аудандық әдістемелік кабинеттердің әдіскерлері, Астрахан, Егіндікөл, Целиноград және Қорғалжын аудандарының ресурстық және магниттік мектептердің директорлары, орынбасарлары, мұғалімдері қатысты. Семинарға барлығы 30-дан астам педагог қатысты. Семинардың негізгі мақсаты облыстағы ресурстық орталықтардың практикалық жұмыс тәжірибесімен алмасу болды.  Семинарға қатысушылардың назарына сабақтар, сыныптан тыс іс-шаралар, кәсіптік бағдар беру және психологиялық жұмыстар ұсынылды.

Дөңгелек үстел шеңберінде ресурстық орталықтың қызметін нормативтік-басқарушылық сүйемелдеу, ресурстық орталықтың тиімді жұмыс істеуіне жағдай жасау, ресурстық орталықтың тірек және магниттік мектептерінің өзара әрекет ету орындары, ресурстық орталықта оқу-тәрбие үдерісін бағдарламалық-әдістемелік сүйемелдеу қарастырылды. Пікір алмасу әрбір қатысушыға өзекті тақырыптарды талқылауда өзін көрсетуге және ресурстық орталықтардың жұмысына қатысты өз пікірін білдіруге мүмкіндік берілді.