Құрметті Ұлы Отан соғысының ардагерлері мен тыл еңбеккерлері! Құрметті әріптестер!

Сіздерді Ұлы Отан соғысындағы Жеңістің 75 жылдығымен шын жүректен құттықтаймын!

Ұлы Жеңіс – барша соғысқа қатысушылар мен тыл еңбеккерлерінің қажымас қайраты мен қайсар рухының жеңісі.Сол қасиетті де қастерлі оқиғадан бері талай ұрпақ жаңғырып, заман жаңарды десек те Ұлы Жеңістің жанары алмастай жарқырап, айбыны арта береді.

Ел басына күн туған сұрапыл соғыс жылдары адам төзгісіз қиыншылықтарды қайыспай көтеріп, елдің қамал-қорғаны болдыңыздар. Сіздер сияқты жеңімпаз ұрпақтың ерен ерлігі, жалындаған жігері, өршіл рухы, Отанымыздың тәуелсіздігі жолындағы халқымыздың құрыштай берік бірлігі–бізге әрқашанда үлгі болып рухтандырады.
Алдағы күндерде  Сіздерге зор денсаулық, ұзақ ғұмыр, бейбіт өмір, отбасыларыңызға бақ-береке тілейміз!

Құрметпен,  облыстық оқу-әдістемелік кабинетінің

директоры Ж. Баймакова