Ақмола облысының педагогтері «EDU Stream» баспасының сертификатын алды

2018 жылғы 24 ақпан күні Көкшетау қаласы, «Білім- инновация» мектеп-интернат негізінде Express Publishing ресми эксклюзивті халықаралық баспасының өкілі «EDU Stream» халықаралық білім беру орталығы «Жаңартылған білім беру мазмұнының бағдарламасының мақсаттарына сәйкес Excel 6,8 жаңа буын оқулықтары бойынша біріктіріп оқыту» тақырыбында ағылшын тілі мұғалімдеріне семинар өткізді.

Семинар Қазақстан Республикасының жаңартылған білім беру мазмұны аясында әдістеме және оқытудың сапасын жақсарту, ағылшын тілі мұғалімдеріне әдістемелік қолдау көрсету бойынша өтті.

Облыстың барлық аймақтарынан келген 25 ағылшын тілі мұғаліміне әдіскер-кеңесшілер ағылшын тілін оқыту әдістемесі бойынша шеберлік сағатын көрсетті және қатысушылар өз сұрақтарын қоюға мүмкіндік берілді. Олардың пікірінше, семинар тиімді және жемісті өтті. Барлық қатысушылар «EDU Stream» баспасының сертификатын алды.