2018 жылдың 3 ақпанында «Жаңартылған бағдарламаны енгізу бойынша» Өңірлік семинар туралы ақпарат

2018 жылдың 3 ақпанында облыстық оқу-әдістемелік кабинетінің ұйымдастыруымен Көкшетау қаласындағы Педагогикалық шеберлік орталығы Назарбаев Зияткерлік мектебімен бірлесе 1,2,5,7 сыныптардағы пән мұғалімдеріне курстан кейінгі қолдау және әдістемелік көмек көрсету мақсатындаӨңірлік семинар өткізді.

Семинар Көкшетау қаласының жалпы білім беретін мектептері мен Назарбаев Зияткерлік мектебінің базаларындаөтті. Семинарға 920 облыс мұғалімдері қатысты.

Семинарда«1,2,5,7 сыныптарда оқу мақсатына жетуге бағытталған жаңартылған білім беру мазмұндағы сабақты жоспарлау», «Пәнді оқытудың ерекшеліктері: жаңа тәсілдер мен тәжірибелері», «Cабақтағы критериалды бағалау»: «Қалыптастырушы бағалау тапсырмаларын әзірлеу мен сараптаудың негізгі тәсілдері», «Мұғалімнің кері байланыс дағдыларын жетілдіру» тақырыптары бойынша қазіргі заманғы сабақтың негізгі идеяларын іске асырудағы қиындықтар мен жетістіктер туралы пікір алмасты. Семинар соңында қатысушылармен рефлексиясы жүргізілді, ұсыныстар берілді.