Ақмола облысында «Денсаулықты және өмірлік дағдыларды қалыптастыру, сондай-ақ кәмелетке толмағандар арасында суицидтің алдын алу» бағдарламасын іске асыру бойынша шығу кестесіне сәйкес шығу туралы ақпарат

2019 жылдың 15-19 сәуірі аралығында суицидтің алдын алу бойынша Жол картасына сәйкес Ақмола облысының білім және денсаулық сақтау басқармасымен бірлесіп, Ақмола облысының аудандары мен қалалары бойынша шығу кестесіне сәйкес Жарқайың, Есіл және Жақсы аудандарына шығу жүзеге асырылды. Жарқайың ауданының 21 мектебі, Есіл ауданының № 7 АТК және 23 мектебі, Жақсы ауданының 20 мектебі педагог – психологтардың жұмысы тексерілді.

Сондай – ақ, Ақмола облысының білім басқармасы, «Шаңырақ» ҚҚ және Ақмола облысының денсаулық сақтау басқармасымен бірлесіп психиатрлар мен жалпы тәжірибедегі дәрігерлерге, ЖІИ инспекторларына, ауылдық округ әкімдеріне, әлеуметтік педагогтар мен мектеп және ауылдық округтердің медицина қызметкерлеріне, сонымен қатар, ата-аналарға арналған бірқатар іс – шаралар, семинарлар мен кездесулер жоспарланған және өткізілді.

Семинар суицидтің алдын алу, суицид вахтерлерін оқыту және кәмелетке толмағандардың өмірлік дағдыларын қалыптастыру мәселелеріне арналды. Семинар белсенді практикалық түрде өтті, бұл жасөспірімнің өміріне қатысы бар барлық қызмет салаларының бірлескен жұмысының маңызды көрсеткіші болып табылады. Әр педагог-психологпен жеке әңгімелесу өткізілді.